Iryna Faryjon pamierła ŭ balnicy
Pra heta paviedamili ŭ pres-słužbie Pieršaha miedycynskaha abjadnańnia Lvova.
19.07.2024 / 23:32
Iryna Faryjon
«Pa majoj infarmacyi ŭ 23:20 Iryna Faryjon pamierła», — paviedamiŭ taksama deputat Lvoŭskaj haradskoj rady Ihar Zinkievič.
U byłuju deputatku Viarchoŭnaj Rady ad partyi «Svaboda» stralali siońnia ŭviečary ŭ Lvovie. Padčas zamachu jana atrymała ciažkoje ranieńnie i była špitalizavanaja.
Pacyjentka pastupiła ŭ balnicu kala 20:00 u adździaleńnie nieadkładnaj miedycynskaj dapamohi. Na momant pastupleńnia jaje stan byŭ vielmi ciažki. Bolš za try hadziny lekary zmahalisia za jaje žyćcio, ale ničoha zrabić nie zmahli.
Zabojca Faryjon, pavodle apošnich źviestak, pakul nie zatrymany.
U Lvovie stralali ŭ palityka Irynu Faryjon. Jana ŭ krytyčnym stanie
Radykalny ŭkrainski palityk Faryjon: U składzie Biełarusi jość ukrainskija ziemli