Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie
Amal dva tydni tamu stała viadoma pa ŭskosnych źviestkach, što abaviazki kamandzira Pałka Kalinoŭskaha zamiest Dzianisa Procharava («Kita») staŭ vykonvać były viadomy viaślar Pavieł Šurmiej («Dziadźka»). Ale aficyjnaje paćviardžeńnie hetamu pres-słužba pałka dała tolki siońnia.
19.07.2024 / 21:48
Pavieł Šurmiej. Skrynšot ź videa
Zamiena kamandzira ŭ Pałku Kalinoŭskaha padajecca pres-słužbaj vajskovaha padraździaleńnia jak častka ahulnaj reformy pa palapšeńni jaho efiektyŭnaści, raspačataj u krasaviku 2024 hoda.
Pakul što Šurmiej, praŭda, nazyvajecca tolki časovym vykanaŭcam abaviazkaŭ kamandzira, choć i adznačajecca, što «dadzienaje pryznačeńnie było ŭchvalena kamandziram častki».
Akramia zamieny kamandzira,
«PKK pracuje nad tym, kab finasavaja spravazdačnaść pałka była prazrystaj. My žadajem uzmacnić davier da pałka biełarusaŭ, vałancioraŭ dy ahułam usich, chto padtrymlivaŭ nas uvieś hety čas».
Što da losu byłoha kamandzira, to «Dzianis Kit zaraz zajmajecca inšymi važlivymi nakirunkami pałka, pra jakija my paviedamim paźniej».
Połk Kalinoŭskaha admaŭlaje datyčnaść Ryka Kryhiera da padraździaleńnia
Litoviec raskazaŭ, jak trapiŭ u połk Kalinoŭskaha
Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika
U pałka Kalinoŭskaha novy kamandzir?