MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi
Jak paviedamili ŭ MZS Hiermanii ŭ adkaz na zapyt Deutsche Welle, viedamstva i pasolstva Hiermanii u Minsku akazvajuć konsulskuju dapamohu asudžanamu Ryka Kryhieru i intensiŭna pracujuć ź biełaruskimi ŭładami ŭ jaho intaresach.
19.07.2024 / 19:45
«Śmiarotnaje pakarańnie — heta žorstkaja i biesčałaviečnaja forma pakarańnia, jakuju Niamieččyna adchilaje pry lubych abstavinach», — havorycca ŭ adkazie niamieckaha MZS.
Raniej stała viadoma, što praces nad hramadzianinam Hiermanii prajšoŭ u Minskim abłasnym sudzie, prysud byŭ vyniesieny 24 červienia.
Pavodle infarmacyi pravaabarončaha centra «Viasna», Ryka Kryhiera pryznali vinavatym u «ździajśnieńni vybuchu ŭ metach akazańnia ŭździejańnia na pryniaćcie rašeńniaŭ orhanami ŭłady, zastrašvańnia nasielnictva, destabilizacyi hramadskaha paradku (akcie teraryzmu), ździejśnienym asobaj, jakaja raniej učyniła złačynstva praduhledžanaje č. 4 art. 295 KK, arhanizavanaj hrupaj, to bok u ździajśnieńni złačynstva, praduhledžanaha č. 3 art. 289 KK».
Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł
Ci možna ŭ Biełarusi prysudzić da rasstrełu zamiežnika? Adkazvajuć jurysty
Połk Kalinoŭskaha admaŭlaje datyčnaść Ryka Kryhiera da padraździaleńnia
Rasstrelnaja sprava Ryka Kryhiera tyčycca jaho ŭdziełu ŭ Pałku Kalinoŭskaha — pravaabaroncy
Hramadzianina Hiermanii prysudzili ŭ Biełarusi da rasstrełu