U Minsk pryjazdžaje brazilec Ramarya — kolišniaja futbolnaja zorka suśvietnaj vieličyni
U aŭtorak, 23 lipienia, na stadyjonie «Dynama» projdzie futbolny karnavał. U tavaryskim matčy sustrenucca brazilskaja i biełaruskaja kamandy, a śpiecyjalnymi haściami fiestyvalu stanuć kolišnija zorki suśvietnaha futboła: čempijony śvietu z Brazilii Ramarya, Edmiłsan i niemiec Kievin Kurańji, piša «Anłajnier».
19.07.2024 / 18:16
Ramarya padčas karnavała ŭ 2019 hodzie ŭ niderłandskim Ejndchovienie, dzie niekali ŭzyšła jahonaja futbolnaja zorka. Fota: VI Images via Getty Image
Brazilski futbalist Ramarya byŭ pryznany najlepšym hulcom pieramožnaha dla Brazilii čempijanatu śvietu 1994 hoda i ŭ tym ža hodzie byŭ pryznany najlepšym futbalistam hoda pavodle viersii FIFA.
U aŭtorak u Minsku na pole vyjduć junackaja zbornaja brazilskich futbolnych akademij sportu i kamanda «Juni Iks Łabs», jakaja vystupaje ŭ D3 čempijanatu Biełarusi.
Varoty stadyjona adčyniacca ŭ 17:00, sam matč pačniecca ŭ 19:00. Uvachod na stadyjon volny, treba tolki zarehistravacca.
Padčas fiestyvalu na stadyjonie buduć arhanizavanyja roznyja aktyŭnaści: hulniavyja zony dla dziaciej, hihanckaje limba, futboŭlinh, futponh, a taksama majstar-kłasy i brazilskija tancy.
Buduć na stadyjonie razdavać i tysiačy futbolnych miačoŭ. Pierad matčam źjavicca zapoŭnieny imi hruzavik: zabrać vyjhranyja miačy z saboj zmohuć samyja paśpiachovyja.
Paśla futbolnaha karnavała kamanda brazilcaŭ adpravicca ŭ pajezdku pa Biełarusi, kab pravieści sieryju tavaryskich matčaŭ ź miascovymi futbolnymi kłubami.
Najlepšy futbalist śvietu — 1994 adnaviŭ karjeru ŭ 58 hadoŭ, kab zhulać z synam
Eks-premjer Siarhiej Rumas źjaviŭsia na pachavańni Vierhiejenki FOTAFAKT