«U nas nijakich zbojaŭ niama». Situacyja z Microsoft nie paŭpłyvała na pracu aeraporta «Minsk»
Staličnaja pavietranaja havań praciahvaje pracavać u štatnym režymie.
19.07.2024 / 13:14
Nacyjanalny aeraport «Minsk» praciahvaje pracu, nijakich zbojaŭ u jaho sistemach niama. Pra heta zajaviŭ namieśnik hienieralnaha dyrektara pa avijacyjnaj biaśpiecy i režymu aeraporta Vadzim Praŭłocki, piša BiełTA.
«Aeraport i ŭsie klučavyja sistemy Nacyjanalnaha aeraporta Minsk pracujuć u štatnym režymie. U nas nijakich zbojaŭ niama», — adznačyŭ Praŭłocki.
Va ŭsim śviecie siońnia nazirajecca masavy zboj u Windows. Miarkujučy pa ŭsim, heta źviazana sa śviežym abnaŭleńniem pa biaśpiecy ad CrowdStrike.
Parušanaja praca bankaŭ, telekanałaŭ i aeraportaŭ, pavietranyja havani pa ŭsim śviecie admianiajuć rejsy. A karystalniki Windows sutyknulisia ź sinimi ekranami śmierci.
Nazirajecca maštabny zboj elektroniki pa ŭsim śviecie. Aeraporty admianiajuć paloty
Iłan Mask žorstka vyśmiejaŭ Microsoft za hłabalny IT-zboj
Balnicy Hiermanii i Niderłandaŭ admianili apieracyi z-za IT-zboju