«У нас ніякіх збояў няма». Сітуацыя з Microsoft не паўплывала на працу аэрапорта «Мінск»
Сталічная паветраная гавань працягвае працаваць у штатным рэжыме.
19.07.2024 / 13:14
Нацыянальны аэрапорт «Мінск» працягвае працу, ніякіх збояў у яго сістэмах няма. Пра гэта заявіў намеснік генеральнага дырэктара па авіяцыйнай бяспецы і рэжыму аэрапорта Вадзім Праўлоцкі, піша БелТА.
«Аэрапорт і ўсе ключавыя сістэмы Нацыянальнага аэрапорта Мінск працуюць у штатным рэжыме. У нас ніякіх збояў няма», — адзначыў Праўлоцкі.
Ва ўсім свеце сёння назіраецца масавы збой у Windows. Мяркуючы па ўсім, гэта звязана са свежым абнаўленнем па бяспецы ад CrowdStrike.
Парушаная праца банкаў, тэлеканалаў і аэрапортаў, паветраныя гавані па ўсім свеце адмяняюць рэйсы. А карыстальнікі Windows сутыкнуліся з сінімі экранамі смерці.
Назіраецца маштабны збой электронікі па ўсім свеце. Аэрапорты адмяняюць палёты
Ілан Маск жорстка высмеяў Microsoft за глабальны IT-збой
Бальніцы Германіі і Нідэрландаў адмянілі аперацыі з-за IT-збою