Iłan Mask žorstka vyśmiejaŭ Microsoft za hłabalny IT-zboj
Kiraŭnik sacsietki X, kampanij Tesla i SpaceX raźmiaściŭ karykaturu, dzie čałaviek z emblemaj X spakojna kuryć u baku, pakul inšyja, jakija ŭvasablajuć Microsoft, sutarhava biehajuć tudy-siudy.
19.07.2024 / 11:39
Ch.com
Mask taksama nahadaŭ ab ułasnym kałambury 2021 hoda «Macrohard >> Microsoft». Nazva karparacyi ŭtvorana ad słoŭ microcomputer i software, ale dasłoŭna jaho možna pieravieści jak «drobnamiakki». Mask vykarystaŭ matematyčny znak «šmat bolš» (>>), pažartavaŭšy, što značna lepš pracavała b kampanija «bujnaćviordy», piša Bild.
Z-za prablem u abnaŭleńni prahramy dla IT-biaśpieki Crowdstrike siońnia zbojać sistemy Microsoft pa ŭsim śviecie.
Pierastaŭ pracavać aeraport Bierlina, a taksama Hamburha, Sidneja, haradoŭ ZŠA, Ispanii i Turcyi. U Aŭstralii začynilisia supiermarkiety, u Japonii — kafe McDonald's. U Hiermanii ab prablemach z kampjutarami paviedamiŭ aŭtavytvorca Mercedes.
Urad Aŭstralii sklikaŭ ekstranuju naradu z-za IT-zboju.
Nazirajecca maštabny zboj elektroniki pa ŭsim śviecie. Aeraporty admianiajuć paloty