Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ
U Minskim abłasnym sudzie 29 lipienia raspačniecca sud nad 42-hadovym Uładzimiram Basłykom. Praces budzie prachodzić u zakrytym režymie.
19.07.2024 / 09:26
Sutnaść abvinavačvańnia pravaabaroncam nieviadomaja, ale, vierahodna, sprava tyčycca kamientaroŭ i dopisaŭ u internecie. Za heta mužčynie pahražaje da 12 hadoŭ kałonii, piša «Viasna».
Uładzimira abvinavačvajuć pavodle piaci artykułaŭ Kryminalnaha kodeksa: č. 2 art. 367 (paklop na Łukašenku); č. 1 art. 368 (abraza Łukašenki); č. 3 art. 361 (zakliki da sankcyj); art. 369 (abraza pradstaŭnika ŭłady); č. 1 art. 130 (raspalvańnie inšaj sacyjalnaj varožaści).
Niahledziačy na toje, što suda jašče nie było, Uładzimira Basłyka ŭžo ŭnieśli ŭ śpis asob, «jakija datyčnyja da terarystyčnaj dziejnaści». Heta nakładaje na viaźnia dadatkovyja abmiežavańni ŭ SIZA, u tym liku zabaronu hrašovych pieravodaŭ.
Spravu budzie razhladać sudździa Anžalika Daniłava, na rachunku jakoj minimum siem palityčna matyvavanych prysudaŭ.
Ajcišnika z A1 buduć sudzić za danaty. Jamu pahražaje da 10 hadoŭ kałonii
Rabotnicy suda pahražaje da 12 hadoŭ za «zakliki da sankcyj i abrazu Łukašenki»
Žurnalist Ihar Karniej pracuje ŭ kałonii na piłaramie
Palitviaźnia Andreja Lubieckaha pieraviali ŭ žodzinskuju turmu