Čarhovaja hańba biełaruskaha futboła. «Isłač» vylecieła ź jeŭrakubkaŭ, prajhraŭšy kamandzie z San-Maryna
Biełaruskaja kamanda sastupiła «La-Fijarycie» ŭ sieryi pienalci.
18.07.2024 / 23:18
Tydzień tamu ŭ San-Maryna biełaruski kłub pieramoh ź likam 1:0. Praŭda, u aŭtorak nie zmoh vylecieć u Vienhryju, dzie pravodzić chatnija pajadynki. Samalot admianili, tamu 17 hadzin dabiraŭsia na aŭtobusie. Ale kłub pryjechaŭ u Vienhryju ranicaj u sieradu.
Siońniašni matč išoŭ da nulavoj ničyi, ale pry kancy druhoha tajma san-maryncy lik zraŭniali i pieraviali jaho ŭ aviertajm.
Dadatkovy čas hałoŭ nie prynios, a ŭ sieryi pienalci «La-Fijaryta» vyjhrała 4:2, pryčym ich hałkipier adbiŭ dva ŭdary biełarusaŭ, a sami san-maryncy raz trapili ŭ štanhu.
«Isłač» śledam za «Tarpieda-BiełAZam» vylataje ź jeŭrakubkaŭ užo nf pieršaj stadyi.
«La-Fijaryta» — šaścirazovy čempijon San-Maryna pa futbole, ale kamanda nikoli nie prachodziła ŭ druhuju stadyju. U kamandy da siońnia byli 22 parazy i try ničyi. Ale biełarusy ŭmiejuć rabić cudy.
Siońnia FIFA apublikavała śviežy rejtynh futbolnych zbornych. Zbornaja San-Maryna tam zajmaje apošni 210-y radok, u rejtynhu jeŭrapiejskich čempijanataŭ jany taksama apošnija.
Lidar čempijanatu Biełarusi vylecieŭ ź niatopavaha jeŭrakubka ŭžo na pieršaj stadyi kvalifikacyi
Minskaje «Dynama» zhulała ŭničyju ŭ pieršym matčy kvalifikacyi Lihi čempijonaŭ