Pucin prapanavaŭ Iranu rekordnyja abjomy rasijskaha hazu sa źnižkaj 75%
Rasija abmiarkoŭvaje ź Iranam mahčymaść zaklučeńnia doŭhaterminovaha kantraktu na pastaŭki trubapravodnaha hazu, paviedamiŭ ministr enierhietyki Irana Džavad Aŭdžy.
18.07.2024 / 21:46
Pavodle słoŭ iranskaha ministra, havorka idzie pra zakupki ŭ «Hazprama» 300 młn kubamietraŭ u dzień, jakija abyducca Tehieranu ŭ $10-12 młrd u hod.
Jak adznačaje «Kommiersant'», košt hazu, takim čynam, składzie kala $100 za tysiaču kubamietraŭ. I heta stanie samym nizkim uzroŭniem siarod usich klijentaŭ «Hazprama» pa-za miežami byłoha SSSR. U paraŭnańni ź Jeŭropaj i Turcyjaj — usio jašče hałoŭnymi ekspartnymi rynkami «Hazprama» — źnižka składzie 75%: na jeŭrapiejski i turecki rynak, pavodle acenak brokierskaj kampanii BKS, rasijski haz pradajecca ŭ siarednim pa $400 za tysiaču kuboŭ.
U paraŭnańni z Kitajem, jaki zakuplaje haz pa $260 za tysiaču kubamietraŭ u ramkach pastavak pa trubapravodzie «Siła Sibiry», košt dla Irana budzie nižejšy na 62%.
Jak vynikaje sa słoŭ Džavada Aŭdžy, faktyčna abmiarkoŭvajecca košt hazu, roŭny tamu, jaki płaciać krainy SND ($100 za tysiaču kubamietraŭ). Pry hetym abjomy pastavak, kali vieryć iranskamu ministru, pavinny zrabić Tehieran najbujniejšym hazavym klijentam Rasii.
Ukraina nie budzie praciahvać tranzitnaje pahadnieńnie z «Hazpramam»
Jeŭrasajuz razhladaje mahčymaść praciahnuć kantrakt z «Hazpramam» paśla 2024 hoda
«Hazpram» nie patrebny: ES zaviaršyŭ aciaplalny siezon z rekordnymi zapasami hazu