U Drazdach źbirajucca zavieści płyvučyja altanki
U nastupnym hodzie ŭ Minsku płanujuć zapuścić novy vid adpačynku na vadzie — płyvučyja altanki. Pra heta pišuć «Minsk-Naviny» sa słovaŭ Vasila Dziehciarova — dyrektara kampanii, jakaja prapanuje ŭ arendu raznastajny transpart dla aktyŭnych vodnych prahułak.
18.07.2024 / 19:09
Zdymak ilustracyjny. Fota: timetrial.ru
Užo ciapier u Minsku možna arandavać sapbordy, katamarany i katary, prytym jak u centry horada, tak i ŭ inšych miescach, uklučajučy vadaschovišča Drazdy. Na Drazdach ź minułaha hoda možna prajechacca i na račnym tramvai, a ŭ hetym dadalisia viełasapy, abo vodnyja rovary.
«My razhladajem roznyja varyjanty raźvićcia vodnaha turyzmu ŭ stalicy. Naprykład, možna ŭspomnić dobra zabytaje staroje — viesłavańnie na jałach, drahonbotach. Apošnija vykarystoŭvajucca ŭ spartyŭnych spabornictvach, ale całkam možna ich prystasavać dla karparatyŭnaha i siamiejnaha adpačynku na vadzie, — raskazaŭ Dziehciaroŭ. —
Taksama razhladajem zapusk altanak na vadzie. Ruch takoha płaŭsrodku robicca z dapamohaj piedalaŭ, jak na rovary. Padčas vodnaj prahułki možna ŭziać z saboj niešta pierakusić. Spadziajemsia, što ŭ nastupnym hodzie hety prajekt užo realizujem».
U minskim parku Čaluskincaŭ zabaranili jeździć na šerynhavych elektrasamakatach
U Minsku stvorać park na ziamli, vyviezienaj z budaŭnictva mietro