U akupavanym Łuhansku źnieśli pomniki achviaram stalinskich represij i Haładamoru — «pa prośbach vieteranaŭ»
Pomnik achviaram palityčnych represij pastavili ŭ Łuhansku jašče ŭ savieckija časy.
18.07.2024 / 18:13
Skrynšot videa łuhanskaha TB
U akupavanym Rasijaj Łuhansku źnieśli pomniki achviaram stalinskich represij i Haładamoru.
Takoje rašeńnie pryniali miascovyja deputaty, jak paviedamlajecca, «pa prośbach vieteranskich arhanizacyj». Miascovyja ŚMI paviedamlajuć, što pomniki byli pryznanyja nie majučymi histaryčnaj kaštoŭnaści i takimi, jakija «abražajuć patryjatyčnyja pačućci łuhančan».
Pomnik achviaram palityčnych represij byŭ pastaŭleny jašče ŭ 1990 hodzie na Husinaŭskich mohiłkach — miescy masavych rasstrełaŭ u stalinskija časy. Jak raskazaŭ kiraŭnik ukrainskaj Łuhanskaj abłasnoj vajskovaj administracyi Arciom Łysahor, achviarami stalinskaha teroru stali dziasiatki tysiač łuhančan.
Pomnik achviaram Haładamoru 1932-33 hadoŭ byŭ pastaŭleny ŭ Łuhansku ŭ 2008 hodzie.
U «ŁNR» na 11 hadoŭ kałonii asudzili Hieroja Rasii. Jon zabiŭ dziaŭčynu, zamočvajučy zorku hieroja
Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień
Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia
Jak Ukraina vyzvalaje ź Biełarusi svaich. Tłumačeńnie ŭkrainskaha ekśpierta