Eks-palitźniavolenaja Asia Bułybienka apublikavała fota z knihaj Remarka — za hetym chavajecca kranalnaja historyja
Byłaja palitźniavolenaja Asia Bułybienka napisała kranalny post pra padarunki ad čałavieka, jaki praź listy padtrymlivaŭ jaje za kratami. Adzin z hetych padarunkaŭ pryśviečany paryžskaj słavutaści, i Asia pryviezła jaho z saboj u Paryž.
18.07.2024 / 17:29
Fota: asya_cucumber / Instagram
Asia apublikavała fota i videa, na jakich jana staić la Tryumfalnaj arki — znakamitaha manumienta ŭ Paryžy. U rukach dziaŭčyna trymaje knihu Erycha Maryi Remarka «Tryumfalnaja arka».
Jak akazałasia, za hetymi kadrami chavajecca pryhožaja historyja. Na nastupny dzień paśla vyzvaleńnia dziaŭčyna atrymała hetuju knihu i jašče niekalki tvoraŭ Remarka ad čałavieka, jakoha da taho momantu viedała tolki pa listach. Remark — uvohule značny aŭtar dla Asi:
«U SIZA i kałonii ja vielmi palubiła Erycha — adhuknuŭsia. Toje, pra što jon piša, znajomaje nam, na žal. Toj ža Remark chacia b trochi padrychtavaŭ mianie da vyzvaleńnia».
Akramia knih, novy siabar padaryŭ dziaŭčynie čyrvonuju sukienku. U joj Asia vyjšła na pikiet u Vilni paśla taho, jak adsiedzieła jašče 30 sutak i vymušana emihravała ź Biełarusi.
I voś ciapier Asia pabačyła Tryumfalnuju arku na svaje vočy — i ŭ rukach trymała tuju adnajmiennuju knihu ad siabra.
«Karonki dla zuboŭ viaźni rabili sami». Ekśpierty raskazali pra turemnuju miedycynu ŭ Biełarusi