Biełaruskaja prapahanda stvaryła tabłoid «Piatnica». Jaki vychodzić u sieradu
U centry stalicy źjaviłasia rekłama novaj haziety «Piatnica». Jana vychodzić z maja. Heta niešta ŭ styli «ŚPID-info» z 1990-ch, tolki z dadatkam sučasnaj prapahandy i pradajecca paŭsiudna ŭ kijoskach.
18.07.2024 / 13:47
«Salidarnaść» prahartała minuły numar. Akazałasia, što heta «žoŭtaja hazieta» z uzrostavym cenzam «18+».
Vydaŭcy zajaŭlajuć, što tut «samyja papularnyja ŭ Biełarusi naviny z budučyni». Zasnavalnik — sumnaviadomaja «Minskaja praŭda». U numary za 10 lipienia akazalisia vykryvalnyja materyjały ŭ styli Mukavozčyka, padpisanyja Varfałamiejem Jadavym. Pad udar trapili Ukraina i publicyst Alaksandr Niaŭzoraŭ.
A jašče na staronkach hetaj haziety — naviny pra rasijskich «sielebryci» i pošłyja seks-historyi. Taksama čytačoŭ zavablivajuć prahramaj telebačańnia, haraskopam i kryžavankami.