U minskim parku Čaluskincaŭ zabaranili jeździć na šerynhavych elektrasamakatach
Z červienia na terytoryi staličnaha parku Čaluskincaŭ zabaroniena pierasoŭvacca na šerynhavych elektrasamakatach. Karespandent Minsk-Navinaŭ vyśvietliła, u čym pryčyna.
18.07.2024 / 08:45
Ilustracyjnaje fota
Park daŭno źjaŭlajecca miescam pryciahnieńnia ŭsich žycharoŭ stalicy. Asabliva šmat času tam pravodziać žychary Pieršamajskaha rajona, na terytoryi jakoha raźmieščana hetaja zialonaja zona. Adnak miascovyja sutyknulisia z prablemaj: kiroŭcy elektrasamakataŭ parušajuć cichi volny čas chutkaj jazdoj.
Kab baŭleńnie času ŭ zonie adpačynku było kamfortnym, u 2023 hodzie tam abmiežavali chutkasny režym.
Namieśnica kiraŭnika administracyi Pieršamajskaha rajona Luboŭ Bukatkina raspaviała, što ŭ 2024 hodzie miascovyja žychary znoŭ źviarnulisia da ŭładaŭ rajonu i paviedamili, što z-za elektrasamakatčykaŭ niekamfortna hulać pa parku.
Pytańnie vynieśli na abmierkavańnie z pradstaŭnikami staličnych kikšerynhavych kampanij, u vyniku z červienia park Čaluskincaŭ staŭ «cichaj zonaj».
U Minsku vyznačać zony zabarony dla ruchu samakataŭ i monakołaŭ
U Minsku kurjer na elektrasamakacie ŭciakaŭ ad DAI — VIDEA