«Ty nie karenny aŭstralijec, a ja karenny ruski». Były premjer Aŭstralii raskazaŭ, jak 10 hadoŭ tamu pahavaryŭ z Pucinym pra Ukrainu
Były premjer-ministr Aŭstralii Toni Ebat, jaki zajmaŭ hetuju pasadu ŭ 2013-2014 hadach, raskazaŭ vydańniu ABC, što sapraŭdnyja matyvy Uładzimira Pucina ŭ dačynieńni da Ukrainy stali zrazumiełyja ŭžo ŭ 2014 hodzie. Heta było, maŭlaŭ, bačna pa jahonych pavodzinach, jakija jon sam naziraŭ.
17.07.2024 / 19:34
Toni Ebat z Uładzimiram Pucinym 15 listapada 2014 hoda ŭ aŭstralijskim Bryśbienie padčas samitu G20. Fota: Andrew Taylor/G20 Australia via Getty Images
Jak uspaminaje Toni Ebat, kali ŭ kułuarach samitu Azijacka-Cichaakijanskaha ekanamičnaha supracoŭnictva, jaki prachodziŭ u Piekinie ŭ 2014 hodzie, jon padniaŭ pytańnie pra Ukrainu i katastrofu małajzijskaha «Boinha» u niebie nad Danbasam 17 lipienia taho hoda, Pucin staŭ vielmi ahresiŭnym. Jon adkazaŭ, što ŭkraincy, maŭlaŭ, usie fašysty, Ukraina nie maje prava na isnavańnie, i vinavataja ŭ źbićci samalota taksama jana.
«Paśla, kali my znoŭ pajšli na kanfierencyju — i heta było sapraŭdy niešta ekstraardynarnaje, — jon raptam paviarnuŭsia, schapiŭ mianie za łokci i pasprabavaŭ strasianuć.
I jon skazaŭ na anhlijskaj movie, jakuju vydatna viedaje: «Pasłuchaj, ty nie karenny aŭstralijec, ale ja karenny ruski», i jon adšturchnuŭ mianie», — pryhadvaje aŭstralijski palityk.
«Ja dumaju, što jon sprabavaŭ skazać mnie ŭ svajoj davoli rezkaj i žorstkaj maniery, što
ja, jak člen hramadstva pasialencaŭ, nie mahu zrazumieć kroŭ, ziamlu i mistyčnuju pryviazanaść, jakuju jon adčuvaje da kožnaha santymietra matuchny-Rasii», —
robić vysnovu Ebat, vykazvajučy pry hetym škadavańnie, što šmat hadoŭ mała što rabiłasia dla ŭzbrajeńnia ŭkraincaŭ, choć z Pucinym usio i tady było zrazumieła.
Jeŭrapiejski parłamient asudziŭ «nibyta mirnyja namahańni» Viktara Orbana
Bajden nazvaŭ prezidentam Ukrainy Pucina
Barel: Kali Rasija pieratvoryć Ukrainu ŭ druhuju Biełaruś, my zapłacim vialikuju canu
Premjer Indyi zajaviŭ Pucinu, što «vajna nie rašeńnie»