Błohierka-jabaćka lamantuje, što joj pahražajuć čynoŭniki
«Navat ujavić nie mahła, što sutyknusia z takim staŭleńniem u Biełarusi».
17.07.2024 / 16:07
Mitynh za Łukašenku 16 žniŭnia 2020 hoda. «Za-bać-ku!» — skandziravała na im Julija Chomič. Skryn videa «Naša Niva»
Što adbyłosia? Častka praŭładnych aktyvistaŭ (siarod ich danosčyca Volha Bondarava, mastačka Śviatłana Žyhimont, błohier Cimur Prachin) aburylisia niekatorymi kancertami fiestyvala «Słavianski bazar», uhledzieŭšy ŭ prahramie ŁHBT-prapahandu, i ŭpiknuli čynoŭnikaŭ, jakija takoje dapuścili. Svaimi biespadstaŭnymi padazreńniami jany tak dapiakli inšych łukašenkaŭcaŭ, što tyja raskrytykavali ich u adkaz. Prapahandyst Ryhor Azaronak navat abvinavaciŭ prarasijskich aktyvistaŭ u pracy na zachodnija raźviedki.
U hetym supraćstajańni dastałasia i praŭładnaj błohiercy, «dziaŭčynie ŭ harošak» Julii Chomič, jakoj taksama mroiłasia ŁHBT-zmova.
Ananimny telehram-kanał, źviazany ź Ministerstvam kultury, rezka prajšoŭsia pa joj:
«Juli jak šmatdzietnaj matuli [treba] viarnucca da plity i zaniacca vychavańniem ułasnych dzietak. A to, nie daj Boh, načytajucca ŭ cialezie, jak matula i jaje siabručki haŭniajuć svaju krainu, i vyrastuć zmaharami».
«Za «bazar» (nie «Słavianski», a ŭłasny, varjacki) adkazvać pryjdziecca, bratcy-trusiki. I nie chaciełasia b, kab losam vašych ža dziaciej», — dadaŭ aŭtar kanała.
Chomič napisała, što heta pahroza joj i jaje dzieciam. «Ja doŭha maŭčała, ale kali pahražajuć maim dzieciam, ja prosta nie mahu maŭčać», — napisała jana kapsłokam u instahramie.
«Ja suprać usioj ŁHBT-prapahandy, jakuju vyciahvajuć na scenu i ŭsialak prasoŭvajuć našy čynoŭniki Minkulta. (…) U adkaz na abureńni ludziej čynoŭniki vyrašyli nie prybirać prablemu, heta značyć rabić svaju pracu, a pajści inšym šlacham… Navat ujavić nie mahła, što sutyknusia z takim staŭleńniem u Biełarusi. Ale… nie na tuju napali»,
— zajaviła Chomič.
Skrynšot instahrama Julii Chomič
Azaronak abvinavaciŭ prarasijskich aktyvistaŭ u pracy na zachodnija raźviedki
Bondarava nazvała Dziermanta «patłatym chłopčykam», jaki «prajaviŭ svoj łatentny homaseksualizm»