Беларусь устанавіла бязвізавы рэжым для грамадзян 35 краін Еўропы
Ён будзе дзейнічаць з 19 ліпеня.
17.07.2024 / 14:27
«Рашэннем Лукашэнкі бязвізавы парадак уезду ў Беларусь для грамадзян Польшчы, Літвы, Латвіі (а таксама асоб, якія маюць статус неграмадзяніна Латвіі), што дзейнічаў з 2022 года, распаўсюджаны на грамадзян яшчэ 35 краін Еўропы», — паведамляе Памежны камітэт.
Устанаўліваецца, што для грамадзян названых дзяржаў бязвізавы парадак уезду ў Беларусь, выезду з Беларусі ажыццяўляецца праз усе аўтадарожныя і чыгуначныя міжнародныя пункты пропуску праз дзяржаўную мяжу па сапраўдных дакументах для выезду за мяжу на тэрмін часовага знаходжання на тэрыторыі Рэспублікі Беларусь не больш за трыццаць сутак з дня ўезду.
Іншаземцы, якія прыбылі ў бязвізавым парадку на тэрыторыю Беларусі, змогуць перамяшчацца транзітам у трэція краіны за выключэннем Расійскай Федэрацыі, у тым ліку і праз авіяцыйныя пункты пропуску.
Гэты бязвізавы парадак пачне дзейнічаць з 8.00 19 ліпеня.