У Браслаўскім раёне ў полі згарэў камбайн беларускай вытворчасці
Падвяла праводка.
17.07.2024 / 11:51
Фота: МНС
У Браслаўскім раёне проста ў полі загарэўся камбайн КВК-800 «Палессе FS80» вытворчасці «Гомсельмаша». Работнікі прадпрыемства спрабавалі патушыць агонь самі, але ў іх нічога не атрымалася.
Калі на месца прыбылі супрацоўнікі МНС, пажар ужо ахапіў маторны адсек і кабіну. Ратавальнікі ліквідавалі ўзгаранне, аднак камбайн моцна пацярпеў.
Па факце пажару праводзіцца праверка, яго прычынай паводле папярэдняй версіі стала кароткае замыканне электраправодкі ў камбайне.