Krainy Bałtyi adklučacca ad ahulnaj enierhasistemy ź Biełaruśsiu i Rasijaj u lutym 2025-ha
Krainy Bałtyi 16 lipienia abjavili, što paviedamili Rasii i Biełarusi pra svajo rašeńnie adklučycca ad ich enierhasistemy. Paśla taho jak Rasija pačała poŭnamaštabnaje ŭvarvańnie va Ukrainu, jany pierastali kuplać rasijskija naftu i haz, a ciapierašni krok Ryhi, Vilni i Talina aznačaje dasiahnieńnie ich enierhietyčnaj niezaležnaści ad Maskvy.
16.07.2024 / 23:06
Fota ilustracyjnaje
«My razarviom apošnija enierhietyčnyja suviazi z Rasijaj, — zajaviŭ kiraŭnik litoŭskaha dziaržaŭnaha apieratara elektrasietak Litgrid Rokas Masiulis. — Praz paŭhoda my nie tolki adklučymsia ad rasijskich i biełaruskich elektrasietak, ale i demantujem apošnija pakinutyja linii elektrapieradačy».
Pradstaŭniki łatvijskaha apieratara AST i estonskaj kampanii Elering abjavili ab pryniaćci anałahičnaha rašeńnia.
Krainy Bałtyi adklučacca ad rasijskaj elektrasietki 7 lutaha, a praz dva dni paśla taho dałučacca da jeŭrapiejskaj. U 2018 hodzie jany vyrašyli sinchranizavać svaje elektrasietki z kantynientalnaj jeŭrapiejskaj sistemaj, atrymaŭšy finansavańnie ad ES.
Dostup da enierhasistemy ES krainy Bałtyi atrymajuć praz Polšču.
Polšča i krainy Bałtyi prosiać pra abarončuju liniju na miažy z Rasijaj i Biełaruśsiu