Urad abiacaje całkam viarnuć elektryčnaść u Mazyr ciaham sutak
Namieśnik premjer-ministra Biełarusi Anatol Sivak zajaviŭ, što takoj situacyi, jak ciapier u Mazyry, u enierhasistemie krainy jašče nikoli nie było, piša BiełTA.
16.07.2024 / 18:09
Fota ilustracyjnaje
«My stracili faktyčna ŭsie mahutnaści, enierhazabieśpiačalnyja linii ŭ Mazyry i prylehłych rajonach. Viecier byŭ anamalna mocny, i heta pryviało da vialikaha razbureńnia vysakavoltnych linij. Byli parvanyja pravady, razburanyja apory. U vyniku paciarpieli 54 vysakavoltnyja linii», — skazaŭ Sivak.
Čynoŭnik padkreśliŭ, što pakul hałoŭnaja meta — adnavić elektrazabieśpiačeńnie i mahutnaści ŭ Mazyry. Pa słovach Sivaka, užo da siońniašniaj ranicy bolš za 50% vysakavoltnych linij byli adnoŭlenyja. Elektryčnaść pierakidvali ŭ inšyja rajony, a zatym pavinna iści padklučeńnie spažyŭcoŭ.
Sivak dadaŭ, što ŭ napružanym režymie pracuje kala 130 bryhad enierhietykaŭ, a ŭ dapamohu enierhasistemie Homielščyny adpravili śpiecyjalistaŭ z usich rehijonaŭ. Płanujecca, što ŭ najbližejšyja sutki ŭsia nieabchodnaja adnaŭlenčaja praca budzie zavieršana.
Mazyrski naftapierapracoŭčy zavod užo atrymaŭ enierhazabieśpiačeńnie. Mazyrskaja CEC taksama hatovaja davać paru na technałahičnyja patreby zavodaŭ.
Niadzielnaja bura zdoleła parušyć pracu navat Mazyrskaha NPZ
Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna
Žychary Mazyra stali ŭ hihanckuju čarhu, kab padzaradzić telefony VIDEA
Jak vyhladaje čarha pa vadu ŭ Mazyry
U Homielskaj vobłaści abjaŭlena nadzvyčajnaja situacyja
Apakalipsis u Mazyry. Štorm nakryŭ Homielščynu