Viciebskaja siamja znajšła źnikłaha svajaka praz 25 hod
50-hadovy mužčyna 25 hod biez pašparta i viedańnia taho, chto jon, pravieŭ u psichijatryčnaj balnicy. Jamu dapamahli sudmiedekśpierty.
16.07.2024 / 09:42
Sudovyja ekśpierty Dziaržaŭnaha kamiteta sudovych ekśpiertyz pa Mahiloŭskaj vobłaści dapamahli ŭstanavić asobu pacyjenta balnicy, jaki nie mieŭ pašparta hramadzianina Respubliki Biełaruś.
Bolš za dvaccać hadoŭ tamu ŭ psichijatryčnuju balnicu pastupiŭ małady mužčyna bieź jakich-niebudź dakumientaŭ, jaki nazvaŭ davoli biednyja źviestki pra siabie: proźvišča, imia i hod naradžeńnia, jak paśla akazałasia, nie dakładnyja. Inšyja źviestki, u tym liku miesca žycharstva, u siłu svajho psichičnaha zdaroŭja pacyjent paviedamić nie moh. Pošuk svajakoŭ pośpiecham nie ŭviančalisia.
U 2024 hodzie danyja hienatypu pacyjenta źmiaścili ŭ bank danych DNK Dziaržaŭnaha kamiteta sudovych ekśpiertyz.
Pry praviercy pa bazie vyśvietliłasia, što jaho hienietyčnyja charaktarystyki adpaviadajuć hienietyčnym charaktarystykam žychara Viciebskaj vobłaści, 1945 hoda naradžeńnia. Pacyjent balnicy i nazvany hramadzianin mahli zjaŭlacca svajakami pieršaha paradku — baćkam i synam.
Paćvierdzić abo vyklučyć svajactva mužčyn mahła b hienietyčnaja ekśpiertyza, adnak žychar Viciebskaj vobłaści pamior 9 hadoŭ tamu, u toj čas jak u jaho zastalisia dzieci. Adzin jaho syn, jaki pakutavaŭ na psichičnaje zachvorvańnie, źnik bieź viestak u 1998 hodzie. U ramkach vyšukovaj spravy ŭ baćki źnikłaha 15 hadoŭ tamu adabrali bijałahičnyja ŭzory i źmiaścili hienietyčnyja charaktarystyki ŭ bazu danych DNK. Jaho hienietyčnyja charaktarystyki i supali ŭ bazie z hienatypam pacyjenta mahiloŭskaj balnicy.
Dla praviadzieńnia sudovaj hienietyčnaj ekśpiertyzy adabrany bijałahičnyja ŭzory ŭ 40-hadovaha syna pamierłaha baćki.
Pa vynikach ekśpiertyzy, ustanoŭlena, što pacyjent psichijatryčnaha špitala i 40-hadovy žychar Viciebskaj vobłaści z vysokaj stupieńniu vierahodnaści zjaŭlajucca bijałahičnymi svajakami i mohuć być rodnymi bratami.
Takim čynam, vyniki ekśpiertyzy dapamahli nie tolki ŭstanavić asobu pacyjenta balnicy — im akazaŭsia ŭradženiec Viciebskaj vobłaści, 1973 hoda naradžeńnia, ale adyhrali vielmi važnuju rolu ŭ dalejšym žyćci mužčyny.
Praz 25 hadoŭ čałaviek znoŭ zdabyŭ siamju — svajaki zabrali jaho ź lakarni dadomu.