Tramp nazvaŭ svajho kandydata ŭ vice-prezidenty
Razam z Donaldam Trampam maje bałatavacca sienatar ad štata Ahajo Džejms Vens.
15.07.2024 / 22:27
Džejms Devid Vens. Fota: Wikimedia Commons
Pra vyznačeńnie kandydatury Džejmsa Devida Vensa patencyjnym vice-prezidentam ZŠA Tramp abviaściŭ u svajoj sacsietcy Truth Social padčas nacyjanalnaha źjezda Respublikanskaj partyi ŭ Miłuoki.
«Paśla doŭhich rozdumaŭ, bieručy pad uvahu kałasalnyja talenty mnohich inšych, ja vyrašyŭ, što najbolš prydatnym čałaviekam na pasadu vice-prezidenta Złučanych Štataŭ źjaŭlajecca sienatar Džejms Devid Vens sa štata Ahajo», — napisaŭ Donald Tramp.
39-hadovy Džejms Devid Vens u svoj čas słužyŭ u marskoj piachocie (padčas vajny ŭ Iraku, jakaja pačałasia ŭ 2003 hodzie, jon pracavaŭ u pres-słužbie), skončyŭ Univiersitet štata Ahajo i Jelskuju škołu prava. U Sienat jon abraŭsia ŭ studzieni 2023 hoda.
Viadomaść Vensu pryniesła jaho kniha «Elehija chiłbili», jakaja vyjšła ŭ 2016 hodzie, u jakoj jon apisaŭ svajo davoli biednaje dziacinstva i kulturu «chiłbili» (što možna pierakłaści jak «dzieravienščyna»). Knihu chvalili za dakładnaje apisańnie «hłybinnaj Amieryki», jakoje tłumačyć pierachod biełaha pracoŭnaha kłasa, jaki tradycyjna hałasavaŭ za demakrataŭ, da Respublikanskaj partyi — i pośpiech Donalda Trampa.
Vens viadomy svajoj krytykaj administracyi Bajdena. Jon nie raz krytyčna vykazvaŭsia adnosna amierykanskich vajskovych pastavak Kijevu i nastojvaŭ na zamacavańni niejtralitetu Ukrainy.
Paśla zamachu na Trampa akcyi jaho kampanii ŭźlacieli na 77%
Tramp raskazaŭ, što cudam jaho vyratavała ad kuli
Tramp paprasiŭ svaju eks-supiernicu naviedać źjezd Respublikanskaj partyi
Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask