Paśla zamachu na Trampa akcyi jaho kampanii ŭźlacieli na 77%
Zamach na 45-ha prezidenta ZŠA taksama pryvioŭ da ažyjatažu vakoł tavaraŭ na anłajn-placoŭkach z vyjavaj palityka.
15.07.2024 / 15:24
Donald Tramp. Fota: Anna Moneymaker / Getty Images
Akcyi kampanii Trump Media & Technology Group, jakoj naležyć stvoranaja Donaldam Trampam sacyjalnaja sietka Truth, na premarkiecie ŭ ZŠA ŭźlacieli na 77,6%. U vyniku na maksimumie za ich davali $54,84.
Adnak da abiedu paniadziełka rost zapavoliŭsia. Tak, na 14:40 pavodle minskaha času akcyi kaštavali krychu daražej za $45. Heta plus 46% u paraŭnańni z canoj zakryćcia.
Pa vynikach tarhoŭ piatnicy, 12 lipienia, akcyi Trump Media kaštavali $30,88: na toj momant u 2024 hodzie jany vyraśli ŭ košcie amal na 76,5%.
Zamach na Trampa taksama pryvioŭ da ažyjatažu vakoł tavaraŭ na anłajn-placoŭkach z vyjavaj palityka.
Tramp raskazaŭ, što cudam jaho vyratavała ad kuli
Bajden ledź nie paŭtaryŭ hałoŭny łozunh Trampa
Tramp prybyŭ u Miłuoki na źjezd Respublikanskaj partyi