Tramp raskazaŭ, što cudam jaho vyratavała ad kuli
Donald Tramp daŭ intervju haziecie New York Post paśla pieražytaha zamachu. Pa jaho pierakanańni, jon pavinien byŭ być užo miortvy.
15.07.2024 / 13:05
Fota: Gene J. Puskar / AP
«Ja nie pavinien być tut, ja pavinien byŭ być miortvy. Doktar skazaŭ, što nikoli nie bačyŭ ničoha takoha, jon nazvaŭ heta cudam», — padzialiŭsia ŭražańniami ad pieražytaha Donald Tramp.
Jon raskazaŭ, što mienavita vyratavała jaho ad śmierci. Pa słovach palityka, jamu dapamahło toje, što jon paviarnuŭ hałavu trochi naprava, kab pračytać płakat z nadpisam ab nielehalnych imihrantach. Streł pavinien byŭ być śmiarotnym, ale adarvaŭ jamu nievialiki kavałak vucha i zapyrskaŭ kryvioju łob i ščaku.
Kandydat u prezidenty ZŠA taksama raspavioŭ, što, kali ahienty Sakretnaj słužby vyvieli jaho sa sceny, jon usio jašče chacieŭ praciahnuć svaju pramovu, ale ahienty skazali jamu, što heta niebiaśpiečna i jany pavinny dastavić jaho ŭ balnicu.
Tramp taksama ŭspomniŭ, što kali jaho zabirali sa sceny, to ŭ jaho źlacieŭ z noh abutak, tamu jon kryčaŭ ahientam: «Pačakajcie, ja chaču zabrać svoj abutak».
Zamach na Donalda Trampa: u jaho stralali ŭ čas vystupu ŭ Piensilvanii
FBR nazvała imia taho, chto stralaŭ u Trampa
U mašynie chłopca, što stralaŭ u Trampa, znajšli vybuchoŭku
Bajden źviarnuŭsia da nacyi ŭ suviazi z zamacham na Trampa
Tramp prybyŭ u Miłuoki na źjezd Respublikanskaj partyi