Orban adpraviŭ usim lidaram krain ES svoj płan urehulavańnia va Ukrainie
«Acenka realistyčnych metaŭ i adekvatnaje płanavańnie zasnavanyja na našym padychodzie», — kaža jaho daradca Bałaš Orban.
15.07.2024 / 12:41
Viktar Orban. Fota: Thanassis Stavrakis / AP
Premjer-ministr Vienhryi Viktar Orban pa vynikach svajoj miratvorčaj misii nakiravaŭ usim lidaram krain ES prapanovy pa ŭrehulavańni kanfliktu va Ukrainie, paviedamiŭ jaho palityčny daradca Bałaž Orban u intervju haziecie Magyar Nemzet.
«Heta płan Orbana, jaki ciapier lažyć na stale ŭ kožnaha premjer-ministra krain ES. Acenka realistyčnych metaŭ i adekvatnaje płanavańnie zasnavanyja na našym padychodzie, — skazaŭ jon. — Kali Jeŭropa choča miru i mieć vyrašalnaje słova va ŭrehulavańni kanfliktu, a taksama spynieńni kryvavaj bojni, ciapier u jaje jość kirunak dla raspracoŭki i realizacyi palityčnaha kursu».
«Realistyčnaja acenka situacyi, realnyja mety i prydatny hrafik — voś na čym budujecca naš padychod», — dadaŭ jon.
Pa słovach Bałaša Orbana, nie varta pieraaceńvać rolu Vienhryi, ale nielha i niedaaceńvać toje, što Viktaru Orbanu za dva tydni ŭdałosia pravieści niekalki sustreč, «jakich bolšaść krain śvietu čakajuć hadami».
Premjer Orban u pieršaj pałovie lipienia naviedaŭ Kijeŭ, Maskvu, Piekin i Vašynhton. Z 1 lipienia Vienhryja staršyniuje ŭ ES.
Zialenski patłumačyŭ, čamu nie pahadziŭsia na prapanovu Orbana ab spynieńni ahniu
Zialenski patłumačyŭ, čamu Orban nie moža być mirnym pasiarednikam