U aŭtorak znoŭ da +35°S, a ŭ sieradu znoŭ zalevy, navalnicy, hrad
Biełhidramiet papiaredziŭ ab aranžavym uzroŭni niebiaśpieki.
15.07.2024 / 11:56
Udzień 16 lipienia na bolšaj častcy terytoryi krainy maksimalnaja tempieratura pavietra dasiahnie +30..+34°S, pa poŭdni miescami +35°S, paviedamlajuć sinoptyki.
Miescami čakajucca karotkačasovyja daždžy, navalnicy. Unačy i ranicaj u asobnych rajonach tuman. Viecier pry navalnicach paryvisty. Nočču budzie +15..+21°S.
U sieradu na bolšaj častcy terytoryi krainy karotkačasovyja daždžy; miescami mocnyja daždžy, navalnicy, mahčymy hrad.
Viecier pry navalnicach mocny paryvisty. Tempieratura pavietra minimalnaja nočču +15..+22°S, maksimalnaja dniom +24..+31°S, pa paŭdniovym uschodzie +32..+36°S.
U čaćvier umovy nadvorja budzie vyznačać niaŭstojlivaja pavietranaja masa, jakaja raspaŭsiudžvajecca z Zachodniaj Jeŭropy. Miescami pa krainie projduć karotkačasovyja daždžy, mahčymy navalnicy. Viecier paŭnočna-zachodni ŭmierany, pry navalnicach paryvisty.
Nočču +14..+20°S, pa paŭdniovym uschodzie da +22°S, dniom +23..+30°S.
Pa Biełarusi kocicca niepahadź, mocnyja viatry i zalevy FOTY i VIDEA
Apakalipsis u Mazyry. Štorm nakryŭ Homielščynu
Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka
Śpioka. Jak vyžyć i pavodzić siabie ŭ takoje nadvorje
Čamu ŭ haračyja dni časta balić hałava i jak ad taho ŭbierahčysia