За мінулыя суткі без электрычнасці засталіся амаль 2000 населеных пунктаў краіны
У 65% населеных пунктах святло цалкам яшчэ не адноўленае.
15.07.2024 / 08:04
Дарогу прыбіраюць ад паваленых дрэў. Фота: gorodmozyr / Telegram
Адключэнні зафіксаваныя пераважна ў Гомельскай і Магілёўскай абласцях. Больш за ўсё з-за непагадзі пацярпелі Мазырскі, Рэчыцкі, Гомельскі, Клімавіцкі, Петрыкаўскі, Жлобінскі, Быхаўскі, Чэрыкаўскі, Магілёўскі раёны, паведамляе Мінэнерга.
Навальнічны фронт з ліўнямі і шквалістым ветрам, парывы якога дасягалі 25-30 м/з, месцамі — градам, стаў прычынай падзення дрэў і галін на лініі электраперадачы, іх абрыву, пашкоджання апор.
Па даных на 7:00 15 ліпеня аднаўленчыя работы працягваюцца ў 1263 населеных пунктах.
Апакаліпсіс у Мазыры. Шторм накрыў Гомельшчыну
Па Беларусі коціцца непагадзь, моцныя вятры і залевы ФОТЫ і ВІДЭА
Яшчэ адна ахвяра шторму — дрэва забіла хлопчыка пад Рэчыцай