U Hiermanii biełarus pabiŭsia z małdavaninam. Apošni byŭ parezany
Ale abstaviny bojki ćmianyja.
14.07.2024 / 18:24
Horad Hrajfsvald. Ilustracyjnaje fota: Wolfgang Pehlemann / commons.wikimedia.org
26-hadovaha hramadzianina Biełarusi i 35-hadovaha hramadzianina Małdovy z parezami znajšli paśla bojki ŭ horadzie Hrajfsvald na paŭnočnym uschodzie Hiermanii, piša Reform.news.
Uviečary 10 lipienia 2024 hoda, kala 17:30, niekalki śviedak paviedamili ŭ palicejskaje ŭpraŭleńnie pra toje, što na dziciačaj placoŭcy i adbyłasia bojka pamiž niekalkimi ludźmi. Zatym niekatoryja ludzi pajšli ŭ susiedni žyły dom. Praź niekatory čas vidavočcy paviedamili, što z adnaho z pakojaŭ žyłoha doma danosilisia hučnyja kryki.
Kali prybyła palicyja, ludziej u pakoi nie akazałasia. Była pračasanaja bližejšaja terytoryja. Dvoje mužčyn, 26-hadovy hramadzianin Biełarusi i 35-hadovy hramadzianin Małdovy, byli znojdzieny na zadnim dvary.
U apošniaha byli parezy. Abodva znachodzilisia ŭ stanie ałkaholnaha apjanieńnia. Dla akazańnia pieršaj dapamohi była vyklikanaja chutkaja, jakaja dastaviła mužčynu ŭ kliniku ŭ Hrajfsvaldzie.
Z-za moŭnaha barjera spačatku było składana zrazumieć abstaviny spravy. Supracoŭniki kryminalnaha vyšuku sabrali dokazy na miescy zdareńnia. Sudova-miedycynskija ekśpierty ahledzieli paciarpiełaha. Byli pryciahnutyja pierakładčyki. U chodzie rasśledavańnia była ŭstanoŭlena asoba padazravanaha ŭ naniasieńni ciažkich cialesnych paškodžańniaŭ.
Padrabiaznaści i pieradhistoryja hetaha incydentu pakul niajasnyja, i adździeł kryminalnaha vyšuku Hrajfsvalda pačaŭ rasśledavańnie. Jano ŭsio jašče praciahvajecca. Šukajucca śviedki, jakija stali vidavočcami incydentu, paviedamlaje palicejskaje ŭpraŭleńnie Nojbrandenburha.