Žychar Mahiloŭskaha rajona chacieŭ «stralnuć» cyharetu, a skraŭ dailny aparat
Viaskoviec zajšoŭ na fiermu, ale nie znajšoŭ tam achoŭnika. Spakusa akazałasia vialikaj.
16.07.2024 / 10:51
Fota: Hienprakuratura
Žychar Mahiloŭskaha rajona viartaŭsia dadomu pad hradusam. Pa darozie 62-hadovamu mužčynu vielmi zachaciełasia zakuryć.
Jon zajšoŭ na fiermu, dzie chacieŭ «stralnuć» cyharetu ŭ achoŭnika. Ale taho na miescy nie akazałasia. Iści z pustymi rukami mužčynu nie zachaciełasia — i jon uziaŭ z saboj dailny aparat, paviedamili ŭ miascovaj milicyi.
Źbiehaŭšy dadomu i pakinuŭšy tam zdabyču, mužčyna jašče raz viarnuŭsia na fiermu raźviedać abstanoŭku. Achoŭnika tam usio jašče nie było, tamu viaskoviec vyrašyŭ zabrać šłanh i biton da aparata.
Usio heta mužčyna chacieŭ pradać, ale nie paśpieŭ. Jaho znajšli supracoŭniki milicyi. Vynik — kryminalnaja sprava za kradziež.
U Minsku mužčyna dva hady abkradaŭ kvatery, załaziačy ŭ ich praz vokny
U Baranavičach złodziej skraŭ zaradku ad elektrakara, ale nie zrazumieŭ, što heta
U Minsku kurjer dastaviŭ ježu i skraŭ rovar