Kolki biełarusaŭ chočuć mieć dziaciej, a kolki ŭchvalajuć razvody
Centr sacyjałahičnych i palityčnych daśledavańniaŭ BDU pa zamovie Ministerstva pracy i sacyjalnaj abarony pravodziŭ sacyjałahičnaje daśledavańnie pa demahrafii.
14.07.2024 / 15:50
Ilustracyjny zdymak. Fota: «Naša Niva»
Daśledavańnie pravodziłasia ŭ dva etapy, piša ahienctva «Minsk-Naviny». U chodzie pieršaha, jaki adbyŭsia ŭ 2017 hodzie, apytali 10 tys. respandentaŭ va ŭzroście ad 18 da 79 hadoŭ z usioj krainy. Druhaja chvala apytańnia była ź lipienia pa kastryčnik 2023-ha i zakranuła 2,7 tys. žycharoŭ.
U ludziej pytalisia pra ich staŭleńnie da šlubaŭ i razvodaŭ. 11,4% nazvali šlub sastarełaj źjavaj. Ličać prymalnymi razvody ŭ nieščaślivych parach 65% apytanych.
Kolki biełarusaŭ chacieła mieć dziaciej? Daśledavańnie pakazała, što 48,8% žančyn chočuć mieć dziaciej, kab adčuvać siabie paŭnavartasnaj žančynaj. Siarod mužčyn pra nieabchodnaść mieć naščadkaŭ kazała 43,5% apytanych.