U Staŭbcoŭskim rajonie matacykł trapiŭ pad ciahnik — zahinuli dva čałavieki
Matacyklist vyjechaŭ na piešachodny pierachod prosta pierad sastavam.
14.07.2024 / 12:09
Fota: uvdgomel / Telegram
Na stancyi Kołasava ŭ Staŭbcoŭskim rajonie pasažyrski ciahnik Brest-Minsk sutyknuŭsia z matacykłam.
Kiroŭca matacykła parušyŭ praviły darožnaha ruchu — jon vyjechaŭ na pierajezd, nie pierakanaŭšysia ŭ adsutnaści nadychodziačaha ciahnika. U vyniku sutyknieńnia vadziciel i pasažyrka matacykła atrymali śmiarotnyja traŭmy.
Z-za paškodžańnia sastavu zatrymka ciahnika składzie 2 hadziny, paviedamili ŭ BČ. Prymajucca miery pa dastaŭcy pasažyraŭ da miesca naznačeńnia.