Pryncesa Kiejt Midłtan naviedaje finał Uimbłdona ŭ niadzielu
Aficyjnyja vychady pryncesy na publiku, jakaja ŭžo niekalki miesiacaŭ zmahajecca z rakam, stali vielmi redkija.
13.07.2024 / 13:31
Pryncesa Kiejt na paradzie ŭ honar karala 15 červienia 2024 hoda. Fota: Chris Jackson / Getty Images
Kiensinhtanski pałac vypuściŭ doŭhačakany reliz: pryncesa Kiejt, chvoraja na rak naviedaje finał mužčynskaha tenisnaha turniru Uimbłdona ŭ niadzielu.
Pryncesa Uelskaja, žonka brytanskaha prynca Uiljama, voźmie ŭdzieł u finale mužčynskaha adzinočnaha razradu Uimbłdonskaha čempijanatu ŭ niadzielu, 14 lipienia, — piša pałac.
Pa źviestak brytanskaha infarmacyjnaha ahienctva PA, jana ŭručyć trafiej pieramožcu turniru: Novaku Džokaviču abo Karłasu Alkarasu. Pačatak finału a 16-j pa minskim časie.
U Džokaviča — 24 vyjhranyja tytuły na turnirach Vialikaha šlema (h.zn. Adkryty čempijanat Aŭstralii, Rałan Haros, Uimbłdon i Adkryty čempijanat ZŠA).
Heta rekord, stolki ž u aŭstralijki Marharet Kort, jakaja vystupała ŭ 1960-ch.
Kiejt Midłtan abviaściła, što joj stała lepš i jana zmoža prysutničać na paradzie ŭ honar karala
Katalickija manaški ŭ Minsku zładzili na Vialikdzień prabieh na samakatach