Kreml nazvaŭ fejkam artykuł CNN pra płan pa zabojstvie kiraŭnika Rheinmetall
«Nam vielmi składana kamientavać paviedamleńni roznych ŚMI», — skazaŭ Piaskoŭ.
12.07.2024 / 14:07
Armin Papierhier (u centry) ź fiederalnym kancleram Hiermanii Ołafam Šolcam i premjer-ministarkaj Danii Miete Frederyksen. Fota: Fabian Bimmer/Pool Photo via AP
Da paviedamleńniaŭ ab tym, što Rasija płanavała zabojstva hienieralnaha dyrektara adnaho z najbujniejšych jeŭrapiejskich vytvorcaŭ zbroi Rheinmetall AG Armina Papierhiera, nielha stavicca surjozna, jany padadzienyja «ŭ styli čarhovych fejkaŭ». Pra heta žurnalistam skazaŭ pres-sakratar prezidenta Dźmitryj Piaskoŭ, piša RBK.
«Nam vielmi składana kamientavać paviedamleńni roznych ŚMI, jakija nie ŭtrymlivajuć kolki-niebudź surjoznaj arhumientacyi i hruntujucca na niejkich ananimnych krynicach», — skazaŭ jon.
Napiaredadni CNN napisaŭ, što Hiermanija sioleta sarvała zamach na Papierhiera pry dapamozie amierykanskaj raźviedki, jakaja pieradała Bierlinu nieabchodnyja źviestki. Telekanał adnios hety vypadak da sieryi «rasijskich zmoŭ» pa zabojstvie kiraŭnikoŭ abaronnaj pramysłovaści ŭ Jeŭropie, jakija padtrymlivajuć Ukrainu.