Rasijanin siarod biełaha dnia zładziŭ dryft na praśpiekcie Pieramožcaŭ. DAI jaho znajšła i prymusiła vybačacca
Rolik z dryftam hramadzianina Rasiei na «Mersedesie» daišniki znajšli ŭ internecie.
12.07.2024 / 14:38
Internet-raźviedka minskaj DAI znajšła ŭ sietcy videa, na jakim bieły «Miersiedes» dryftuje na skryžavańni praśpiekta Pieramožcaŭ i vulicy Ratamskaj.
Aŭtamabil niekalki razoŭ syšoŭ u kiravany zanos i raźviarnuŭsia na 360 hradusaŭ. Pryčym kiroŭca dryftavaŭ u toj momant, kali ruch na skryžavańni byŭ davoli ažyŭlenym.
Supracoŭniki DAI adšukali kiroŭcu — im akazaŭsia 23-hadovy rasijanin.
Jaho pakarali za stvareńnie avaryjnaj abstanoŭki. Akramia taho, z mužčynam zapisali videa, u jakim jon zajaviŭ, što ščyra raskajvajecca i zaklikaŭ inšych hramadzian nie paŭtarać takich manieŭraŭ.