Urad zabaraniŭ zabirać za daŭhi chramy, ikony i relihijnyja knihi
Aryšt na takuju majomaść relihijnych arhanizacyj nakładvać nielha.
12.07.2024 / 13:01
Urad zaćvierdziŭ pieralik majomaści relihijnych arhanizacyj, jakuju nielha zabirać za daŭhi pa pretenzijach kredytoraŭ.
U śpis trapili sami budynki cerkvaŭ, kaściołaŭ, miačeciaŭ i inšych relihijnych ustanoŭ, ich ubrańnie, u tym liku kupały, trony, kresły-trony, padstaŭki dla Karanaŭ, a taksama haspadarčyja pabudovy na chramavaj terytoryi.
Akramia taho, za daŭhi zaraz nielha zabirać pradmiety relihijnaha kultu — iIkony, ikanastasy, kryžy, kupieli, kadziły, trochśviečniki i mnohija inšyja.
Taksama nielha nakładvać aryšt na bohasłužbovyja adzieńni i relihijnuju litaraturu. U cełym u pieralik trapiła ŭsio, što znachodzicca ŭnutry kultavych budynkaŭ — usie hetyja pradmiety za daŭhi ciapier adbirać i aryštoŭvać zabaroniena