Eduardu Babaryku dadali paŭtara hoda źniavoleńnia
Spravu razhladaŭ sudździa Pavieł Karcinin na vyjaznym pasiadžeńni ŭ kałonii.
12.07.2024 / 11:05
Fota: sb.by
Palitźniavolenaha Eduarda Babaryku abvinavacili pa častcy 2 artykuła 411 Kryminalnaha kodeksa (złosnaje niepadparadkavańnie patrabavańniam administracyi papraŭčaj ustanovy) i pakarali pazbaŭleńniem voli na hod i šeść miesiacaŭ, piša «Viasna».
Spravu razhladaŭ sudździa Pavieł Karcinin na vyjaznym pasiadžeńni ŭ kałonii.
Eduarda Babaryku zatrymali 18 červienia 2020 hoda razam z baćkam Viktaram Babarykam, kali jany vieźli sabranyja podpisy ŭ CVK. Viktara Babaryku asudzili praz hod na 14 hadoŭ kałonii, a syna tolki praz try hady, u lipieni 2023 hoda, na 8 hadoŭ źniavoleńnia. Pry hetym u termin nie zaličyli čas utrymańnia ŭ SIZA KDB pa pieršapačatkovym abvinavačvańni — paŭtara hoda. Jaho pryznali vinavatym pavodle troch artykułaŭ Kryminalnaha kodeksa.
Termin palitviazień adbyvaje ŭ babrujskaj kałonii № 2. Tam na jaho ŭvieś čas cisnuła administracyja kałonii, a z 1 krasavika jaho źmiaścili ŭ PKT.
Eduarda Babaryku buduć sudzić pa novaj kryminalnaj spravie
Ułady vystavili na aŭkcyjon ziamielny ŭčastak Babaryki na bierazie vadaschovišča Viača
Roŭna čatyry hady tamu aryštavali Viktara i Eduarda Babarykaŭ