Bajden nazvaŭ vice-prezidenta Charys Trampam. Toj rezka adreahavaŭ
Prezident ZŠA ŭčora pramaŭlaŭ miakkim, rypučym hołasam, časta rabiŭ paŭzy, kab adkašlacca, i ŭ niejki momant hublaŭ chod dumak, piša New Post Post
12.07.2024 / 10:59
Donald Tramp. Fota: Evan Vucci / AP
Prezident Bajden ašałamiŭ žurnalistaŭ u čaćvier, pierabłytaŭšy vice-prezidenta Kamału Charys i byłoha prezidenta Donalda Trampa na pres-kanfierencyi, za jakoj uvažliva sačyli, — nieŭzabavie paśla taho, jak jon pierabłytaŭ Uładzimira Pucina i Uładzimira Zialenskaha, piša New York Post
«Pasłuchajcie, ja b nie abraŭ vice-prezidenta Trampa na pasadu vice-prezidenta, kali b ličyŭ, što jana niedastatkova kvalifikavanaja dla taho, kab być prezidentam», — skazaŭ 81-hadovy palityk žurnalistam na štohadovym samicie NATO.
Kamała Charys — vice-prezident ZŠA.
81-hadovy Bajden pramaŭlaŭ miakkim, rypučym hołasam, časta rabiŭ paŭzy, kab adkašlacca, i ŭ niejki momant hublaŭ chod dumak na tym, što jaho pamočniki nazyvali «pres-kanfierencyjaj vialikaha chłopčyka» ŭ Vašynhtonskim kanfierenc-centry, iranizuje vydańnie.
«Kryvanohi Džo pačynaje svaju pres-kanfierencyju «vialikaha chłopčyka» słovami: «Ja b nie abraŭ vice-prezidenta Trampa na pasadu vice-prezidenta, choć ja dumaju, što jana nie padychodzić na pasadu prezidenta». Vydatnaja praca, Džo!»— napisaŭ eks-prezident.
Bajden nazvaŭ prezidentam Ukrainy Pucina
Bajden nie ŭbačyŭ sensu ŭ dazvole Ukrainie bić pa Kramli
Bajden nazvaŭ siabie najbolš kvalifikavanym supiernikam Trampa, jon nie źbirajecca pakidać honku