Uviali kryminalnuju adkaznaść za niezakonny vyjezd za miažu asobaŭ, jakija majuć dostup da dziaržaŭnych tajamnic
Adpaviedny dakumient apublikavany na Nacyjanalnym pravavym internet-partale. Ciapier dla vyjezdu za miažu słužboŭcy, jakija majuć dostup da sakretaŭ, pavinny atrymlivać dazvoł.
11.07.2024 / 08:41
Ilustrayjnaje fota: UUS Hrodzienskaha abłvykankama
Artykuł 375-2 Kryminalnaha kodeksa pra parušeńnie patrabavańniaŭ pa abaronie dziaržaŭnych sakretaŭ dapoŭnili nastupnaj častkaj:
«Niezakonny vyjezd z Respubliki Biełaruś hramadzianina Respubliki Biełaruś, jaki viedaje ab dziaržaŭnaj tajamnicy, prava jakoha na vyjezd z Respubliki Biełaruś zaviedama dla jaho časova abmiežavana ŭ adpaviednaści z zakanadaŭčymi aktami, pry adsutnaści prykmiet złačynstvaŭ, praduhledžanych artykułami 356 i 373 hetaha Kodeksa, — karajecca štrafam, abo aryštam, abo abmiežavańniem voli na termin da troch hadoŭ, abo pazbaŭleńniem voli na toj ža termin».
Źmieny nabuduć moc praz 10 dzion.