Hulcy zbornaj Uruhvaja pabilisia z fanatami Kałumbii paśla prajhranaha paŭfinału Kubka Amieryki VIDEA
Na palach Złučanych Štataŭ idzie da zaviaršeńnia Kubak Amieryki pa futbole.
11.07.2024 / 08:00
Darvin Nuńjes u čornaj majcy idzie ŭ boj. Skrynšot videa
Nočču ŭ Šarłocie (Paŭnočnaja Karalina) adbyŭsia druhi paŭfinał, u jakim sustrakalisia Uruhvaj i Kałumbija. Kałumbija vyjhrała 1:0, zhulaŭšy ceły tajm u mienšaści.
Paśla zakančeńnia sustrečy adbyłasia bojka pamiž futbalistami zbornaj Uruhvaja i kałumbijskimi zaŭziatarami, pry hetym uruhvajcy padčas kanfliktu padnialisia na trybuny.
Na kadrach bačna, jak u boj iduć lidar «Livierpula» Darvin Nuńjes i Ronald Araucha («Barsiełona»).
Kałumbija ŭpieršyniu za 23 hady vyjšła ŭ finał, dzie zhulaje z Arhiencinaj Lijaniela Miesi. Matč pačniecca a 3-j hadzinie ŭ ranicu na paniadziełak.
Kubak Amieryki — najstarejšaje mižnarodnaje spabornictva ŭ śviecie. Jon upieršyniu byŭ praviedzieny ŭ 1916 hodzie, h.zn. na 14 hadoŭ raniej za čempijanat śvietu i na 44 hady raniej za čempijanat Jeŭropy.
Arhiencina i Uruhvaj vyjhravali Kubak pa 15 razoŭ, Kałumbija tolki adnojčy, u tym samym 2001 hodzie.
Krytykavanaja ŭsimi Anhlija pry kancy sustrečy praskočyła ŭ finał VIDEA
Ispanija stała pieršym finalistam Jeŭra-2024, razabraŭšysia jašče ŭ pieršym tajmie z Francyjaj
Minskaje «Dynama» zhulała ŭničyju ŭ pieršym matčy kvalifikacyi Lihi čempijonaŭ