Minskaje «Dynama» zhulała ŭničyju ŭ pieršym matčy kvalifikacyi Lihi čempijonaŭ
Hulnia z armianskim «Piunikam» prajšła ŭ Vienhryi ŭ horadzie Mieziokioviešd i skončyłasia ź likam 0:0.
10.07.2024 / 23:38
Ilustracyjnaje fota football.by
«Dynama» viarnułasia ŭ kvalifikacyju Lihi čempijonaŭ paśla 19 hadoŭ adsutnaści.
Hulnia ŭ adkaz projdzie ŭ Armienii ŭ nastupny aŭtorak.
Pieramožca ŭ druhim raŭndzie kvalifikacyi zhulaje ź pieramožcam pary «Łudahorac» (Bałharyja) — «Dynama» Batumi. Siońnia «Łudahorac» vyjhraŭ na svaim poli ź likam 3:1.
Kamanda, što prajhraje, sustreniecca ŭ 2-m kvalifikacyjnym raundzie Lihi kanfierencyj ź niaŭdačnikam pary «Słovan» (Słavakija) — «Struha» (Paŭnočnaja Makiedonija).
«Słovan» siońnia pieramoh 4:2, pryčym dublem vyznačyŭsia ŭdzielnik Jeŭra-2024 Juraj Kucka.
U čaćvier, 11 lipienia, startujuć matčy pieršaha raŭndu kvalifikacyi Lihi kanfierencyj.
«Tarpieda-BiełAZ» zhulaje ŭ Vienhryi z małdoŭskim «Miłsami» (20:00), a «Isłač» u San-Maryna z «Ła Fijarytaj» (21:45).
Hrodzienski «Nioman» ustupić u baraćbu z druhoha raŭndu. Jaho supiernikam budzie rumynski «Kłuž».
Eks-futbalist zbornaj pra syna Anatola Kapskaha: Na žal, u kłubie ŭsio pafihačyli
Pamierła mama Alaksandra Hleba