Мытны камітэт паведаміў пра аднаўленне прыёму палякамі грузаў на мяжы з Беларуссю
Польскі бок аднавіў прыём грузавых транспартных сродкаў, якія ідуць на выезд з Беларусі праз пункт пропуску»Казловічы», паведаміла прэс-служба Дзяржаўнага пагранічнага камітэта.
10.07.2024 / 17:29
Як паведамляюць беларускія мытнікі:
«Транспарт у напрамку Польшчы рухаецца, але пакуль нерытмічна. Зараз выезду з Беларусі праз пункт пропуску «Казловічы» чакае звыш 600 транспартных сродкаў».
Польшча пачала ўзмоцненыя праверкі грузавога транспарту ў пункце пропуску «Кукурыкі» на мяжы з Беларуссю 10 ліпеня.
Мытны камітэт Беларусі раніцай паведаміў, што Польшча наогул перастала ўпускаць грузавікі з Беларусі. Аднак польскі бок пазней абверг гэтую інфармацыю, адзначыўшы, што былі ўведзеныя ўзмоцненыя праверкі.
Польшча перастала прапускаць грузавікі з Беларусі
«Хацеў бы выйсці — напісаў бы прашэнне». Лукашысты працягваюць спробы зламаць Пачобута