Polšča pavialičyć kantynhient na miažy da 17 tysiač sałdat
Polšča pryciahnie da achovy miažy 17 tysiač vajskoŭcaŭ, zajaviŭ namieśnik ministra abarony Pavieł Biejda na pres-kanfierencyi, pryśviečanaj prahramie «Uschodni ščyt», piša «Sputnik».
10.07.2024 / 15:41
Polskija pamiežniki patrulujuć miažu na kvadracykłach. Fota: podlaski.strazgraniczna.pl
«Na praktycy heta ŭžo stanovicca faktam, bo ciapier na miažy znachodzicca amal 6 tysiač polskich vajskoŭcaŭ, a ŭ kančatkovym vyniku budzie 8 tysiač sałdat, jakija buduć niepasredna achoŭvać polskuju miažu», — udakładniŭ vysokapastaŭleny polski aficer.
Pavodle jaho słoŭ, taksama 9 tysiač vajskoŭcaŭ buduć znachodzicca ŭ stanie pastajannaj hatoŭnaści, kab u vypadku incydentaŭ na miažy mieć mahčymaść apynucca na miescy z technikaj i zbrojaj na praciahu 48 hadzin.
Pavieł Biejda raspavioŭ, što 1 žniŭnia ŭ Polščy znoŭ pačniecca apieracyja «biaśpiečnaje Padlašša». U joj na praciahu šaści miesiacaŭ buduć udzielničać vajskoŭcy, jakija papiarednie prajšli dvuchmiesiačnuju padrychtoŭku. Raniej stała viadoma, što polskija ŭłady zadumali realizacyju prahramy «Uschodni ščyt», padčas jaje na miažy z Rasiejaj i Biełaruśsiu pavinny być zbudavanyja inžyniernyja zaharody.
Ahulny košt prajekta aceńvajecca ŭ 2,5 miljarda dalaraŭ, a linija abarončych umacavańniaŭ pavinna raściahnucca na 600 kiłamietraŭ.