Miaža dla hruzavikoŭ nie zakrytaja, a ruch zapavoliŭsia z-za pravierak pavodle novych sankcyj. Polski bok daŭ tłumačeńni
U suviazi z uviadzieńniem novych sankcyj u dačynieńni da Biełarusi skaraciłasia kolkaść hruzaŭ, jakija pierasiakajuć biełaruska-polskuju miažu, ale miaža nie pierakrytaja, patłumačyŭ pres-sakratar Lublinskaj Padatkovaj administracyi Michał Derus.
10.07.2024 / 14:11
Pres-sakratar u intervju rmf24.pl abvierh paviedamleńni biełaruskich ŚMI ab błakavańni polska-biełaruskich pamiežnych pierachodaŭ. Biełaruskaja mytnia paviedamiła, što 10 lipienia nočču spyniŭsia tranzit hruzavych aŭtamabilaŭ, jakija iduć ź Biełarusi praz pamiežny punkt «Kazłovičy-Kukuryki».
Derus rastłumačyŭ, što pieršaha lipienia ŭstupiŭ u siłu novy pakiet sankcyj ES u dačynieńni da Biełarusi, jakim byli achopleny novyja tavary, naprykład, tavary i technałohii marskoha sudnachodstva, pradmiety raskošy, transpartnyja srodki, aŭtazapčastki, elektronika i h. d.
Mytna-padatkovaja słužba kantraluje, ci pieravoziacca tavary na pradmiet vykanańnia polskich i jeŭrapiejskich praviłaŭ, što ŭpłyvaje na kolkaść hruzavych aŭtamabilaŭ, što mohuć pierasiačy miažu praz pamiežny punkt «Kazłovičy-Kukuryki» z terminałam Karoščynie i pasažyrskim pamiežnym punktam u Breście —Tarespali.
Polšča pierastała prapuskać hruzaviki ź Biełarusi
«Śpiektakl skončany?» BiełTA vystupiła ź miehavodpaviedździu adnosna situacyi na miažy
Polskaja mytnia patłumačyła, čamu biełarusam nie dazvalajuć vyvozić tavary