Akcior Tyl Švajhier pajšoŭ na papraŭku paśla ciažkaj chvaroby
Znakamitamu akcioru navat pahražała amputacyja nahi.
10.07.2024 / 13:21
Tyl Švajhier. Fota: Thomas Niedermueller / Getty Images for ZFF
U krasaviku hetaha hoda Tyl pačaŭ lačycca ad niebiaśpiečnaj dla žyćcia septycemii — chvaroby, pry jakoj adbyvajecca zaražeńnie kryvi. Pavodle infarmacyi Bild, akcioru navat pahražała amputacyja nahi, adnak hetaha ŭdałosia paźbiehnuć.
Akramia taho, u mai Švajhier trapiŭ u kliniku ŭ Bierlinie. Na hety raz havorka išła pra jaho serca. Jak raspaviali krynicy z asiarodździa akciora, Švajhieru pryjšłosia impłantavać u sercy stent — admysłovuju mietaličnuju pryładu ŭ vyhladzie trubki. Jak vidać, apieracyja spatrebiłasia z-za taho, što apošnija dziesiać hadoŭ Švajhier šmat kuryŭ.
U červieni akciora vypisali ź bierlinskaj kliniki i adpravili adnaŭlacca ŭ Hamburh, a zatym na Majorku. Kali jon kančatkova papravicca, miedyki płanujuć pravieści jašče adnu apieracyju na sercy.
«Jon u cudoŭnaj formie, vielmi matyvavany i biarecca za novyja hrandyjoznyja prajekty. Ja vielmi rady bačyć jaho ŭ takim dobrym stanie. Jon na šlachu da akryjańnia. Samaje vydatnaje toje, što Tyl nie piŭ na praciahu apošnich 150 dzion», — skazaŭ Bild dermatołah Miryjam Rebajn, jaki pracuje z Tylem Švajhieram.
Raniej niamiecki akcior raskazvaŭ ab surjoznych prablemach z ałkaholem, jakija padarvali jaho zdaroŭje.
Akcior Tyl Švajhier zmahajecca ź siepsisam, jamu chacieli amputavać nahu
Vyjšaŭ amierykanski sieryjał, źniaty pa detektyvie ŭnuka vychadcaŭ ź Biełarusi