«Chłopčyk prosta zachodziŭsia ŭ isterycy». U Słucku baćka pakinuŭ 4-hadovaha syna ŭ zamknionym aŭto padčas śpioki
U vychadnyja na stajancy handlovaha centra ŭ Słucku zdaryŭsia incydent z začynienym u mašynie maleńkim dziciom. Padrabiaznaści raskazali vidavočcy partału Slutsk Gorod.
09.07.2024 / 21:44
Fota: slutsk-gorod.by
Darosłyja zaŭvažyli na parkoŭcy mašynu, u jakoj biŭsia ŭ isterycy maleńki chłopčyk — jon byŭ nahłucha začynieny ŭ dušnym aŭtamabili.
U nadziei znajści baćkoŭ małoha ludzi stukali pa kołach, a paśla źviarnulisia da achovy kramy z prośbaj zrabić abviestku pa hučnaj suviazi. Na sihnał chutka vybieh baćka.
Na pytańnie, navošta jon pakinuŭ dzicia ŭ mašynie ŭ takuju śpioku adnaho z začynienymi voknami, mužčyna adkazaŭ, što adbieh pa spravach, pakul syn spaŭ.
Miž tym pry tempieratury źniešniaha pavietra 28-32℃ usiaho za 10 chvilin pavietra ŭ aŭto nahrajecca ŭ siarednim da 41-45℃, za paŭhadziny — da +50℃ i vyšej.
Užo pry 41-42℃ asnoŭnyja orhany dziaciej, pakinutych na śpiakocie ŭ aŭto, pačynajuć admaŭlacca pracavać, i moža adbycca niepapraŭnaje. I heta ŭsiaho za 15-20 chvilin.
Śpioka. Jak vyžyć i pavodzić siabie ŭ takoje nadvorje
Idzie vielmi mocnaja śpioka. Budzie da +36°S, a ŭ Minsku +34°S
Viartańnie śpioki. Budzie da +32°S
30 červienia na biełaruskich mieteastancyjach zafiksavali 23 tempieraturnyja rekordy