Biełaruś i Rasija buduć abmieńvacca źviestkami pra ludziej, jakija pierasiakajuć miažu
Biełaruś i Rasija płanujuć abmieńvacca infarmacyjaj pra ludziej, jakija pierasiakajuć miažu adnoj z krain. Abmien infarmacyjaj buduć rabić MUS Biełarusi i rasijskaje Ministerstva ličbavaha raźvićcia praź sistemu mihracyjnaha ŭliku «Mir», piša RBK.
09.07.2024 / 17:30
Fota: Minabarony
Prajekt padrychtavany ŭ ramkach pahadnieńnia pamiž uradami Rasii i Biełarusi «Ab uzajemnym pryznańni viz i pa inšych pytańniach, źviazanych z ujezdam zamiežnych hramadzian i asob biez hramadzianstva na terytoryi dziaržaŭ».
Dla hetaha płanujecca zabiaśpiečyć miždziaržaŭnaje mižviedamasnaje infarmacyjna-telekamunikacyjnaje ŭzajemadziejańnie, a taksama mahčymaść vyrabu, afarmleńnia i kantrolu abaračeńnia dakumientaŭ, jakija śviedčać asobu, praź sistemu «Mir». Vykanaŭcam pryznačany Rastelekam.
MUS atrymaje dostup da źviestak pra vydadzienyja i anulavanyja dazvoły na ŭjezd i znachodžańnie, a taksama pierasiačeńni miežaŭ Rasii i Biełarusi ŭ punktach propusku. Źviestki buduć pieradavacca tolki pa zapycie, volnaha dostupu da ich nie budzie.
U Rasii ličać, što abmien infarmacyi praź sistemu «Mir» dazvolić pastavić zasłon dla ludziej, jakich vysłali ź Biełarusi ci Rasii, ale jany sprabujuć viarnucca praz druhuju krainu.
Były pasoł Biełarusi ŭ Rasii Dźmitryj Kruty anansavaŭ, što miechanizm abmienu infarmacyjaj moža zapracavać da kanca hoda.
Pasoł Dźmitryj Kruty prapanuje karać pradpryjemstvy, jakija niedastatkova ekspartujuć u Rasiju
ES pašyryŭ na Biełaruś sankcyi, uviedzienyja suprać Rasii