Aktyvista Andreja Kudzika buduć sudzić za dyskredytacyju Biełarusi
Andreja nieadnarazova pieraśledavali za pikietavańnie i vykazvańnie svajoj hramadzianskaj pazicyi na praciahu 2020 i 2021 hoda: zatrymlivali, štrafavali, aryštoŭvali.
09.07.2024 / 14:37
U lutym 2022 hoda Andreju prysudzili 2 hady kałonii pavodle art. 342 KK. Na sudzie aktyvist nie pryznaŭ vinu i admoviŭsia ad dačy pakazańniaŭ. 18 lipienia 2023 hoda palitviazień vyjšaŭ na volu, całkam adbyŭšy termin.
U minułym kastryčniku jamu pryznačyli 15 sutak aryštu za vinšavańnie Ukrainy z Dniom Niezaležnaści ŭ tyktoku. 15 lutaha hetaha hoda aktyvista znoŭ aryštavali na 15 sutak. Ale na volu pa skančeńni termina jon nie vyjšaŭ — jaho zatrymali ŭ miežach kryminalnaj spravy.
Palitviaźnia abvinavačvajuć u «dyskredytacyi Respubliki Biełaruś» pavodle art. 369-1 KK.
Sud nad im raspačniecca ŭ sudzie Maładziečanskaha rajona 15 lipienia. Spravu budzie razhladać sudździa Alaksiej Iršyn, piša «Viasna».
Padtrymajcie Andreja: Śledčaja turma №8. 222163, h. Žodzina, vuł. Savieckaja, 22A
Siońnia pačynajecca čarhovy sud nad Eduardam Babarykam
Hramadzianina Polščy asudzili da 14 hadoŭ kałonii za «špijanaž» i «ahienturnuju dziejnaść»
Palitviaźnia Dźmitryja Zahałaŭca znoŭ buduć sudzić za danaty