Źjaviłasia jašče adno śviedčańnie pieraśledu śpiavački Ahurbaš byłym pasłom u Rasii Dźmitryjem Krutym
Były biełaruski pasoł u RF Dźmitryj Kruty padčas svajoj pracy ŭ Rasii apantana pieraśledavaŭ śpiavačku Anžaliku Ahurbaš: u krasaviku jon zapatrabavaŭ vyklučyć jaje sa składu Hramadskaj pałaty Adzincoŭskaha rajona Padmaskoŭja.
09.07.2024 / 12:48
Anžalika Ahurbaš. Fota: angelicaagurbash / Instagram
Novaje patrabavańnie adnosna Ahurbaš pasoł Kruty adrasavaŭ kiraŭniku padmaskoŭnaj Hramadskaj pałaty Anatolu Tarkunovu. Padstavaj dla vyklučeńnia śpiavački sa składu Hramadskaj pałaty, na dumku ambasadara, pavinny stać «sajuźnickija adnosiny» rasijskaha i biełaruskaha režymaŭ. Dakumienty apublikavała Sota.
Padobnyja listy, piša vydańnie sa spasyłkaju na krynicy, rehularna nakiroŭvalisia Krutym nie tolki pa Ahurbaš, ale i pa inšych praciŭnikach Łukašenki, jakija žyvuć u Rasii, pryčym adrasatami stanoviacca samyja roznyja instancyi — ad telekanałaŭ da Administracyi prezidenta.
Raniej stała viadoma pra list Krutoha da kiraŭnika «Pieršaha kanała»: tady pasoł damahaŭsia ad kiraŭnika kanała Kanstancina Ernsta vykinuć Ahurbaš z efiru.
Ambasadar zajaviŭ, što jaje zjaŭleńnie na rasijskim telebačańni — «spłanavanaja pravakacyja», nakiravanaja na «padryŭ namahańniaŭ našych lidaraŭ u pierapisvańni historyi».
Ahurbaš była pakazana ŭ prahramie ab dziciačym muzyčnym konkursie «Załataja nota».
Pryčyna pieraśledu Ahurbaš režymam Łukašenki palahaje ŭ tym, što jana padtrymała pratesty 2020 hoda, paśla čaho była zavočna aryštavanaja pavodle abvinavačvańnia ŭ raspalvańni varožaści i abrazie Łukašenki. Pry hetym śpiavačka maje rasijskaje hramadzianstva.
U Biełarusi suprać Ahurbaš zaviedzienaja kryminalnaja sprava, u 2021 hodzie hienprakuratura biespaśpiachova patrabavała ad Rasii vydačy Ahurbaš.
Špakoŭski pahražaje rasijskamu «Kommiersantu» błakiroŭkaj na terytoryi Biełarusi
Puhačova adreahavała na rakietny ŭdar pa dziciačaj balnicy ŭ Kijevie
«Biez soplaŭ i śloz». Valeryj Lavonćjeŭ abviaściŭ pra zaviaršeńnie karjery