Indyja zabiraje svaich hramadzian z vajny va Ukrainie
Rasija razarvie kantrakty z hramadzianami Indyi, jakija vajujuć va Ukrainie.
09.07.2024 / 10:05
Sustreča Uładzimira Pucina i Narendry Modzi. Fota: Sergei Bobylev, Sputnik, Kremlin Pool Photo via AP
Telekanał NDTV sa spasyłkaj na krynicy paviedamlaje, što Rasija vyrašyła zvolnić usich hramadzian Indyi, jakija padpisali kantrakt z rasijskaj armijaj, paśla taho jak premjer-ministr Narendra Modzi padniaŭ hetaje pytańnie pierad prezidentam Uładzimiram Pucinym padčas svajho vizitu ŭ Maskvu.
Udakładniajecca, što prynamsi dvoje indyjcaŭ zahinuli, udzielničajučy ŭ vajnie Rasii suprać Ukrainy, a dziasiatki zatrymalisia ŭ zonie bajavych dziejańniaŭ i śćviardžajuć, što ich padmanam prymusili vajavać.
Učora premjer Indyi pryjechaŭ u Maskvu. Uładzimir Zialenski raskrytykavaŭ Modzi za ciopłuju sustreču z Pucinym u dzień masiravanaha abstrełu Ukrainy.
«Heta vielizarnaje rasčaravańnie i sakrušalny ŭdar pa mirnych namahańniach — bačyć, jak lidar najbujniejšaj u śviecie demakratyi ŭ taki dzień abdymajecca ŭ Maskvie z samym kryvavym złačyncam u śviecie», — napisaŭ Zialenski.
Užo paśla masiravanaha abstrełu Ukrainy Modzi nazvaŭ Pucina svaim siabram.
Paplečnik Bierłuskoni nazvaŭ rasijski ŭdar pa Kijevie vajennym złačynstvam
Zialenski patłumačyŭ, čamu Orban nie moža być mirnym pasiarednikam
Milinkievič nazvaŭ try zadačy Maskvy na prezidenckich vybarach u Biełarusi